मराठी कविता कर्म हवे छान

कर्म हवे छान मराठी कविता

कर्म हवे छान मराठी कविता

नाही सर्वकाही । संपत्ती,वैभव ।
हृदयी साठव । प्रेमभाव ।।

शांत झोपेसाठी । कर्म हवे छान ।
कर श्रमदान । देशासाठी ।।

समाधान कुठे । विकत मिळेना ।
दुष्टांना पचेना । धनद्रव्य ।।

अन्नासाठी धाव । नाही पचावया ।
जना हसावया । जग जरा ।।

गरीब,श्रीमंत । मालक,नोकर ।
सगळे चाकर । निर्मिकांचे ।।

म्हणून जरासा । निट तरी वाग ।
आहे वेड्या राग । शत्रू तुझा ।।

धन निरर्थक । बिना उपयोगी ।
असतो निरोगी । कष्टणारा ।।

धनासाठी नको । नात्यामध्ये फूट ।
नको कधी कुट । कारस्थान ।।

अजू तुझ्यासाठी । वैभव सत्कर्म ।
करत अधर्म । जगू नको ।।


©️®️शब्दसखा – अजय रमेश चव्हाण
तरनोळी
ता.दारव्हा, जि.यवतमाळ
मो.८८०५८३६२०७