अभंग रचना
माय बाप थोर
असा कसा झाला । मानवा लाचार।
स्वार्थाचा बाजार। सर्वदूर।।
पैसा सर्व श्रेष्ठ। जगामधी आता।
माय बाप लाता। मुलांच्याही।।
अश्रू वाहणारे। मुला कुठे कळे।
मुक्तांगाची फुले। तुझ्यावरी।।
रडतो हा देह। तुटता आतडे।
हृदयालाच तडे। तुझ्यापायी।।
नवीन संसार। तुझा व्हावा सुखी।
राही सदा दुःखी। देहसारा।।
सृष्टीरूपी चक्र। वाहतसे सारे।
उलटेच वारे। जीवनात।।
जसे पेरशील। उगवेल तेच।
आयुष्याला ठेच। शेवटाची ।।
जिवा लागी थाप।नाही शिव्या शाप।
हेचि मायबाप। तुझेमाझें।।
………©.दिनेश चव्हाण
चाळीसगाव(जळगाव)
मो-९४२१५१६३८९
Pingback: मराठी गझल - मराठी 1