स्त्री(Women)गणित आयुष्याचे

स्त्री गणित आयुष्याचे

स्त्रीची भूमिका अनेक
माता भगिनी वहिनी
सून आई अर्धांगिनी
यात घडते गृहिणी

कुटुंबाला सावरते
स्वइच्छेला तिलांजली
मोती नात्यांचे ओवते
उपेक्षांना श्रद्धांजली

चालविते ती प्रपंच
मांडी जीवन गणित
बेरजेला देई थारा
वजाबाकी सदोदित

चिन्ह फुलीचे गुणते
गुणाकार आनंदाचा
तिच्या पदर छायेत
ठेवा मिळतो सौख्याचा

पाया असते घराचा
बंध नात्यांचे जपते
क्षेत्र तिचे वर्तुळाचे
केंद्रस्थानी वावरते.

अर्थ संकल्प घराचा
मांडितसे शिताफीने
तूट भरून काढते
आकारते शिलकीने
——————————
डाॅ. शैलजा करोडे
नेरूळ नवी मुंबई
मो.9764808391