अभंग संत मुक्ताबाई

काळीज माझ साहित्य आयोजित भक्तिभाव पंधरवडा विशेष उपक्रम अभंग लेखन

संत मुक्ताबाई

संत मुक्ताई

काळीज माझं साहित्य आयोजित भक्ती भाव पंधरवाडा विशेष उपक्रम दिनांक 6 जुलै 2024 शुक्रवार

विषय_||संत मुक्ताई|| शीर्षक_||मुक्ताबाई||

बा विठ्ठल पंत|मा रुखमाबाई|
त्यांच्या पोटी येई|चौघेजण||१||

तीन पुत्र त्यांचे|चौथी मुक्ताई|
माता पिता जाई|स्वर्गवासी||२||

चारही भावंड|धरूनिया हट्ट|
ब्रह्मविद्या पाठ|निरंतर||३||

विश्वाचा उद्धार|मुक्ताई शिकवी|
पासष्टी दाखवी|शिकवून||४||

आठव्या वर्षीच|चांगदेवा ज्ञान|
दिली शिकवण|मुक्ताईने||५||

गोरक्षनाथ हा|आशीर्वाद देई|
संत मुक्ताबाई|कृपावंत||६||

अमृताची धार|प्राप्त संजीवनी|
आत्मसात मनी|करोनिया||७||

तापी नदीकाठी|वीज चमकली|
मुक्ता लुप्त झाली|देव वाशी||८||

कवी अशोक गुट्टे सालेगावकर हिंगोली

संत मुक्ताबाई माउली

वडील विठ्ठल l
रुख्मिणी माउली ll
चौघात धाकली l
मुक्ताबाई ll१ll

श्री विठ्ठलपंत l
सोडून सन्यास ll
संसारी प्रवेश l
त्यांनी केला ll२ll

कर्मठ लोकांनी l
सन्याश्याची मुले ll
सदा हिणविले l
भावंडाना ll३ll

जगाचा निरोप l
मातापिता घेई ll
झाली मग आई l
मुक्ताबाई ll४ll

ज्ञान भक्ती मुक्ती l
रूप विरक्तीचे ll
गुण भावंडांचे l
हि मुक्ताई ll५ll

चांगदेव पाही l
मुक्ताईचे ज्ञान ll
गर्वाचे हरण l
त्यांच्या झाले ll६ll

छोट्या मुक्ताईचा l
अनुग्रह घेई ll
धन्य त्यांचे होई l
दीर्घायुष्य ll७ll

स्त्री संत मुक्ताई l
कार्य मोठे तिचे ll
विश्व उद्धाराचे l
अलौकिक ll८ll

क्रोधीत ज्ञानाला l
विनविले तिने ll
ताटी अभंगाने l
भल्यासाठी ll९ll

आद्य कवयित्री l
संत मुक्ताबाई ll
विजेच्या प्रवाही l
लुप्त झाली ll१०ll

संतांचे विचार l
जीवनाचे कार्य ll
दाखवी पर्याय l
जगण्याचा ll११ll

सदर रचना माझी स्वरचित आहे.

बहीण मुक्ताई

शीर्षक : बहीण मुक्ताई

संत मुक्ताबाई । धाकटी बहीण l
सर्वात लहान । भावंडात ।।१ll

ज्ञानेशांना बोध । दिला अभंगात ।
ताटीच्या शब्दात । मुक्ताईने ।।२ll

ज्ञानबोध ग्रंथ । लिहिला स्वकरू ।
चांगदेवा गुरू । मुक्ताबाई ।।३ll

ब्रह्मगिरी फेरी । अल्पवयी केली ।
ज्ञानेशांनी दिली । सनद ती ।।४ll

मांडे भाजताना । जेंव्हा पाहियले ।
शरणची आले । विसोबा ते ।।५ll

गोरक्षनाथांनी । कृपावृष्टी केली ।
प्राप्त त्यांना झाली । संजीवनी ।।६ll

तीर्थयात्रा वेळी । वीज कडाडली ।
प्रवाहात झाली । लुप्त मुक्ता ।।७ll

तापी नदीकाठी । मुक्ताईनगर ।
समाधी शहर । मुक्ताईचे ।।८ll

मुक्ताई पालखी । विठ्ठल भेटीला ।
दर आषाढीला । नित्य जाते ll ९ll

प्रकाश महामुनी बार्शी

मुक्ताई

अभंग संत मुक्ताबाई