पांडुरंग मराठी अभंग

पांडुरंग मराठी अभंग

॥ पांडुरंग ॥

रिकामा गाभारा, सारे अचंबित.
खेळतो वारीत, पांडूरंग.

मिटते अंतर, भक्त आणि देव.
आता नाही भेव, संसाराचा.

एकदा करारे, भक्तीचा प्रयोग.
दु:खाचा नियोग, पंढरीत.

कैवल्याचे सार, बघा येते हाती.
दृढ होती नाती, जन्मोजन्मी.

विठ्ठल विश्वास, विठ्ठलच ध्यास.
विठठलच श्वास, जगण्याचा.

भ.ना.म्हणे आता, वाढावी ही भक्ती.
मिळावी ती मुक्ती, याची देही.

© प्रा. बी. एन. चौधरी.
      देवरूप, नेताजी रोड.
      धरणगाव जि. जळगाव.

संत मुक्ताबाई